BIENVENUE

Jezu ɖo ɖɛ xo wɛ gbe ɖokpó ɖo fí ɖé. Ée é xo ɖɛ ɔ́ fó ɔ́, ahwanvú tɔn ɖokpó ɖɔ n'i ɖɔ: “Aklúnɔ, kplɔ́n mǐ lě e mǐ ná nɔ́ xo ɖɛ gbɔn é, lě e Jǎan kplɔ́n ahwanvú tɔn lɛ́ɛ é.” Bɔ Jezu ɖɔ nú yě ɖɔ: “Mi ɖo ɖɛ xo wɛ hǔn, mi nɔ ɖɔ: ‘Daá! Nyǐkɔ towe ní nyí nǔsísí; axɔ́súɖuɖu towe ní wá; sɔ́ hwɛ mǐtɔn lɛ́ɛ kɛ mǐ, ɖó mǐ lɔ nɔ sɔ́ hwɛ kɛ mɛ e nɔ jɛ agɔ dó mǐ lɛ́ɛ bǐ; ma lɔn nú mǐ ní jɛ tɛ́nkpɔ́n mɛ ó.’ ” É ka lɛ́ ɖɔ nú yě ɖɔ: “Ényí mɛɖé ɖo mi mɛ, bó ɖó xɔ́ntɔn ɖokpó, bó yi mɔ ɛ zǎnxwete, bó ɖɔ n'i ɖɔ: ‘Xɔ́ntɔn, nya wɔ̌xúxú atɔn nú mì, bónú mɛ ɖě ɔ́ nɔ xɔ mɛ, bó yí gbe n'i ɖɔ: ‘Ma dó tagba nú mì ó. Un ko dó gan hɔn ce mɛ, bɔ nyɛ kpódó vǐ ce lɛ́ɛ kpó kó yi xɔ; un sɔ́ sixú sí te bó sɔ́ nǔɖé nú we ǎ.’ Ma ɖɔ nú mi: ényí é má kpɔ́n dó xɔ́ntɔn e yě nyí ɔ́ wú ǎ ɔ́, é ná kpɔ́n dó tagba e dó n'i wɛ é ɖe é wú, bó ná sí te wá ná ɛ nǔ e hu dó e lɛ́ɛ é bǐ. Ma ka ɖɔ nú mi: mi byɔ́ nǔ Mawu, é ná ná mi; mi ba, mi ná mɔ; mi xúxú hɔn, è nǎ hun nú mi. Đó, mɛ ɖěbǔ ɖo nǔ byɔ́ wɛ ɔ́, è nǎ na ɛ; mɛɖé ba ɔ́, é ná mɔ; mɛɖé xúxú hɔn ɔ́, è nǎ hun n'i. Vǐtɔ́ tɛ́ ká ɖo mi mɛ, bónú vǐ tɔn byɔ́ ɛ hweví ɔ́, é ná zé dan dó alɔ mɛ n'i?
Luki 11.1-2, 4-5, 7-11